Бу — Дмитрий Игдисамов. У “Сирғали” футбол клуби тарбияланувчиси бўлиб, Тошкентнинг бир қатор жамоаларида тўп тепган. Кейинчалик Pro лицензиясини олиб, мураббийлик фаолиятини бошлаган.
"Дмитрий Игоревич Игдисамов бош мураббий вазифасини бажарувчи этиб тайинланди", – деб хабар берди Москва клуби.
Бугун, 4 май куни "армиячилар" матбуот хизмати Фабио Челестини бош мураббий лавозимидан истеъфога чиқарилганини эълон қилганди.
Аввалроқ Дмитрий Игдисамов швейцариялик мураббийнинг ёрдамчиси ва ЦСКА ўсмирлар жамоалари бош мураббийи бўлиб ишлаган.
Эслатиб ўтамиз, "Локомотив" ва “Олимпик” собиқ устози, ўзбекистонлик мутахассис Денис Коростиченко ЦСКА академияси мураббийларидан бири ҳисобланади. Айнан у Игдисамовнинг ёрдамчисига айланиши мумкин.
