Ўзбекистонлик футболчи Грузия клубига ўтди

Ўзбекистон терма жамоаси ва "Пахтакор" клуби собиқ вакили Александр Клецков "Шукура" клуби билан шартнома тузди. Кобулети шаҳри клуби дастлабки 6та турдан сўнг 2 очко билан 10 жамоа орасида энг сўнгги поғонани эгаллаб турибди.

Клуб 1968да ташкил этилган. Ўз уй ўйинларини 6000 томошабинга мўлжалланган "Челе Арена" стадионида ўтказади. Бош мураббий - Гиа Гурули. "Шукура" сафида Клецковдан ташқари россиялик Азамат Жиоев, Иракли Чезия ва бразилиялик Жефиньо каби легионерлар тўп тепишади.

Кеча "Шукура" ўз уйида чемпионат пешқадами Тблисининг "Локомотив" клубини қабул қилиб 0:5 ҳисобида ютқазди. Ушбу баҳсда Клецков Грузия чемпионатидаги дебютини нишонлади.

Клецков янги жамоаси сафида 27-рақамда ўйнамоқда.