Бугун олмалиқликлар ўз майдонида "аждарлар"ни қабул қилади. Бу жамоаларнинг Олмалиқда кечадиган юбилей — 20-учрашувига айланади. Бунгача бўлиб ўтган 19 та ўйиннинг 4 тасида мезбонлар, 5 тасида эса меҳмонлар ғалаба қозонишган. Яна 10 та баҳсда ғолиб аниқланмай, муроса кўчаси танланган.
ОКМК сўнгги бор ўз майдонида "Насаф"ни 2020 йилги мавсумда мағлуб этган эди (2:1). Шунга қарамай, шундан бери ўтказилган 5 та ўйиннинг 4 тасида дуранг қайд этилган бўлса, 1 та баҳсда Рўзиқул Бердиев шогирдлари зафар кучган.
Эслатиб ўтамиз, марказий баҳс соат 20:00да старт олади.
