Учрашувдан сўнг “Машъал” футбол академияси тарбияланувчиси Отабек Шукуров муборакликлар кийиниш хонасига кирди ва жамоа вакиллари билан учрашди.
Учрашув давомида Шукуров футболчиларга илиқ тилакларини билдириб, мавсумнинг қолган қисмида ишонч, жипслик ва курашчанлик билан ҳаракат қилишга чақирди. Ўзи босиб ўтган футболчилик йўли ҳақида гапириб, меҳнат ва интизом ҳар қандай футболчини катта ютуқларга олиб чиқишини таъкидлади.
Шунингдек, Отабек Шукуров жамоага ўз имзоси туширилган эсдалик футболкасини совға қилди. Бу совға футболчилар учун ёқимли хотира ва қўшимча мотивация бўлди.
