Испаниянинг "Diario SPORT" нашри маълумотига кўра, Каталония клуби 32 ёшли ҳимоячини сотиб олиш бўйича Саудия Арабистонининг "Ал Ҳилол" клуби билан келишувни яқин кунларда ёпади. Футболчининг трансфери товон пули суммаси тахминан 10 миллион еврони ташкил этади.
Канселунинг ўзи "кўк-анорранглилар" билан икки йиллик шартномани келишиб бўлган. Португалиялик футболчи трансфер ойнаси бошиданоқ ўз устуворлигини аниқ белгилаб олган эди: у "Камп Ноу"га қайтишни истади ва фаолиятини давом эттиришнинг муқобил вариантларини рад этди.
