Мюнхенликлар посбони кеча жамоа билан машғулотларда қатнашмади ва бугунги машғулотларни ҳам ўтказиб юборади.
Аввалроқ, 40 ёшли дарвозабон Бундеслиганинг шанба кунги "Кёльн"га қарши ўйинидан (5:1) сўнг чап оёқ болдир мушакларида оғриқ ҳис қилаётгани хабар қилинганди.
Bild нашри тарқатган маълумотларга кўра, эртага Нойернинг болдир мушаклари тикланганини текшириш учун тиббий кўрик ўтказилади. Тест натижалари жамоа сардори шанба куни "Штутгарт"га қарши кечадиган Германия Кубоги финали олдидан эртанги машғулотларга қайта олиши ёки йўқлигини белгилаб беради.
Шунингдек, Нойернинг яқинлашиб келаётган жаҳон чемпионатида қатнашиши ҳам айнан ушбу тиббий кўрик натижаларига боғлиқ бўлиб турибди.
