Неймар "Сантос"нинг ўйинини ўтказиб юборди ва покер турнирида ўйнади. 22 июлга ўтар кечаси "Сантос" Судамерикана кубоги доирасида сафарда Венесуэланинг "УСВ" жамоасини мағлуб этди (4:1). Жаҳон чемпионатидан кейин таътилдан бразилиялик клуб сафига қайтган Неймар мураббийлар штаби қарорига кўра жамоа билан ўйинга бормади, чунки у индивидуал дастур асосида шуғулланмоқда. Goal нашри ESPN Brazil'га таяниб хабар беришича, "Сантос" ўйини куни Неймар Сан-Паулудаги Бразилия покер серияси (BSOP) турнирида иштирок этган. Қайд этилишича, ўтган йили бразилиялик ҳужумчи худди шу турнирда 53 500 реал (9 239 евро) ишлаб топган эди.
