Neymar "Santos"ning o'yinini o'tkazib yubordi va poker turnirida o'ynadi. 22 iyulga o'tar kechasi "Santos" Sudamerikana kubogi doirasida safarda Venesuelaning "USV" jamoasini mag'lub etdi (4:1). Jahon chempionatidan keyin tatildan braziliyalik klub safiga qaytgan Neymar murabbiylar shtabi qaroriga ko'ra jamoa bilan o'yinga bormadi, chunki u individual dastur asosida shug'ullanmoqda. Goal nashri ESPN Brazil'ga tayanib xabar berishicha, "Santos" o'yini kuni Neymar San-Pauludagi Braziliya poker seriyasi (BSOP) turnirida ishtirok etgan. Qayd etilishicha, o'tgan yili braziliyalik hujumchi xuddi shu turnirda 53 500 real (9 239 evro) ishlab topgan edi.
