Жамоалар ўртасидаги баҳс 9 сентябрдан 10 сентябрга ўтар кечаси бўлиб ўтди ва "Сантос"нинг 2:0 ҳисобидаги ғалабаси билан якунланди. 34 ёшли бразилиялик сон жароҳати сабабли ўйинда иштирок этмади ва уни VIP-ложа трибунасидан кузатди. Баҳс давомида "Атлетико Минейро" фанатлари Неймарнинг жароҳатига шама қилиб, уни провокация қилишга уринишди.
Ушбу провокацияларга жавобан ҳужумчи шундай деди: "Мен кичик жамоаларга қарши ўйнамайман". Кейин эса у қўшимча қилди: "Мен тиззасиз ҳам бутун жамоангиздан яхшироқ ўйнайман" ва тортишувни яна бир жумла билан якунлади: "Йўқлигим сизнинг омадингиз, акс ҳолда бугун тўртта [гол] бўларди".
Неймар 2025 йилнинг январь ойи охирида "Сантос"га қайтганди. Унинг клуб билан шартномаси 2026 йил 31 декабргача мўлжалланган.
