Footmercato нашрининг хабар беришича, FC Online ва PES футбол симуляторларининг хитойча талқини ноширлари форвард билан боғлиқ барча ўйин контентини тўлиқ ўчириб ташлаш қарорини эълон қилишди.
Чекловлар ўйин ичидаги карточкалар, ҳужумчининг рақамли моделлари ва унинг иштирокидаги ҳар қандай реклама материалларига тааллуқлидир. FC Online дастурчилари футболчини ўйиндан тўлиқ чиқариб ташлайдиган махсус янгиланиш тайёрланаётганини маълум қилишган.
"Спорт миллий чегаралардан устун туради, бироқ ўзаро ҳурмат ҳар доим сақланиб қолиши шарт", — дея PES ноширининг расмий изоҳини келтиради нашр.
Эслатиб ўтамиз, олдинроқ Килиан Мбаппе ўзининг энг севимли меми сифатида Мао Цзэдун назарда тутилган "Хитой диктатори қиёфасида"ги тасвирини тилга олган эди.
