Бу ҳақда Испаниянинг El Español нашри хабар бермоқда.
Манбага кўра, ҳодиса Барселона аэропортининг кафетерий ҳудудида юз берган. Насрауи курткасини рухсат этилмаган жойда қолдиргани сабабли муассаса ходимаси томонидан танбеҳ эшитган.
Ушбу эътироз эркакда тажовузкорлик уйғотди: улар ўртасида оғзаки тортишув келиб чиқиб, жанжал авжида футболчининг отаси қизнинг юзига тупурган. Аэропорт йўловчиларидан бири ҳақоратланган официантнинг ёнини олишга уринган, бироқ Насрауи унга ҳам ташланиб, стулни олганча ҳимояга чиққан эркакка улоқтиришга ҳаракат қилган.
Бу Ямальнинг отаси иштирокида сўнгги кунларда юз берган иккинчи можародир.
Эслатиб ўтамиз, ўтган тунда Лондондаги "Олтин тўп" топшириш гала-оқшоми якунланганидан сўнг, Насрауи "Лондон Палладиум" театри яқинидаги кўчада Россия терма жамоаси собиқ сардори Андрей Аршавиннинг кўз ўнгида тўполон кўтариб, Россия делегацияси операторининг смартфонини синдириб қўйишига бир бахя қолган эди.
