Мадрид дербисида Мигель Анхель Ортис Ариас бош ҳакам сифатида ишлади.
37-дақиқада Жуд Беллингем подкатда Кристиан Ромерони йиқитди. Ариас "Реал" ярим ҳимоячисига сариқ карточка кўрсатди, аммо такрорий лавҳани кўргач, уни бекор қилди ва "Атлетико" ҳимоячисини огоҳлантирди, чунки аргентиналик футболчи рақибининг тизидан салгина пастроқ қисмига бутсасининг тишлари билан босган эди. Биринчи бўлим охирида "Атлетико" ярим ҳимоячиси Ли Кан Ин Федерико Вальвердега қарши қўполлик ишлатгани — унинг тўпиқ қисмига бутсаси билан зарба бергани учун ҳеч қандай карточка олмади. 49-дақиқада "Реал" ҳимоячиси Дин Хёйсен ўз жарима майдони ичида "Атлетико" вингери Жулиано Симеонени қўлидан ушлаб қолди. Аргентиналик майдонга йиқилди, ҳакам пенальти белгилади ва Хёйсенга сариқ карточка кўрсатди. Вазиятни такроран ўргангач, рефери испаниялик футболчини майдондан четлатди.
Ўйиндан сўнг Моуринью матбуот анжуманига Ромеро ва Ли Кан Ин томонидан "Реал" футболчиларига нисбатан ишлатилган қўполликлар тасвирланган суратларни чоп эттириб олиб келди ва ҳакамлик борасида бир қатор кескин фикрларни билдирди: "Ҳакам 41 ёшда, унда дерби учун тажриба етишмади. У фақат кичик ўйинларда ишлаган кучсиз ҳакам. Ҳакамлар қўмитасини табриклайман", "Биз шунчаки кулкили нарсаларни кўрдик — 'Осасуна'га урилган голнинг бекор қилиниши, 'Барса'нинг пенальтиси. Лига менсиз ўзгаргандир деб ўйлагандим, аммо йўқ", Ромеро ва Ли Кан Иннинг фоллари ҳақида: "Иккита аниқ қизил карточка, ҳакамлар қўмитаси хурсанд бўлиши керак. Рефери босимни кўтара олмади — у ҳатто халқаро ўйинларда ҳам ишламайди", Хёйсеннинг четлатилиши ҳақида: "Кийиниш хонасида фол жарима майдони ташқарисида бошланганини айтишди — унда бу қизил ва 0:0. Аммо биринчи бўлимда 11 киши 9 кишига қарши бўлиши керак эди, кейин эса... мўъжизалар бўлмайди", Негрейра ҳақида: "У энди йўқ-а, тўғрими? Ёки у ҳали ҳам ўша ердами? Агар у йўқ бўлса, демак лига Негрейра томонидан булғанмаган".
"Буларнинг барчаси атайлаб уюштирилмаган деб ишонгинг келади. Ўйлашимча, ҳакам ҳам инсон ва хато қилиши мумкин. Аммо бундай жиддий хатолар ўйин тақдирини ҳал қилиб қўйиши мумкинлиги ҳам ҳақиқат. Агар иккита қизил карточка бўлганида, ўйин тамомила бошқача кечар эди.
Биз Моуриньюнинг, айниқса шундай вазиятларда матбуот анжуманларини хуш кўришини яхши биламиз. Охир-оқибат, у ўз жамоасини ҳимоя қилмоқда. Муаммо шундаки, Моуринью ҳаддан ташқари самимий. У хаёлига келган гапни айтади ва бу кўпчиликка ёқмайди", — деди "Ал Қодисия" аъзоси.
