“L'Equipe” нашрининг хабар беришича, монегасклар парижликларнинг 24 ёшли футболчи трансфери бўйича берган 50 миллион евролик сўнгги таклифини ижобий қабул қилган.
Манбанинг аниқлик киритишича, футболчининг ўзи аввалроқ ПСЖга ўтишга розилик бериб бўлган, бироқ шартнома тафсилотлари ҳали келишиб олиниши керак.
Аклиуш ўтган мавсум “Монако” сафида 43 ўйинда майдонга тушиб, 7 та гол урди ва 11 та голли узатмани амалга оширди.
