- Ёқимсиз ва оғир ўйин бўлди. Бундай жамоаларга қарши ўйнашга кўникиб қолдик. Футболдаги барча услубларни ўрганиб чиқиш керак. Биз ўзимиз истаган футболни кўрсата олмадик. Биринчи бўлимни ўз даражадамизни кўрсата олмадик. Балки бу кайфият билан боғлиқдир. Рақиблар эса ўйинни жуда зўр бошлашди. Голдан кейин эса тезликни оширишди. Ўйинда кўп ҳам вазиятлар бўлмади, чунки жамоалар ҳудудларни ёпишди. Рақибларнинг қарши ҳужумларидан кейин гол ўтказиб юборишимиз ҳам мумкин эди. Бу ўйинни тахлил қилиб чиқамиз. Барча ўйинлар қийин ўтмоқда, чунки жамоалар ўз ўринлари учун курашишмоқда ва вазифаларини бажаришга ҳаракат қилишмоқда. Шу сабабли жамоалар осон ўйинлар ўтказишмаяпти.
- "Қизилқум" шундай ўйин кўрсатишини кутганмидингиз? Агар сир бўлмаса, бу рақибнинг ҳимоясини ёриб ўтиш учун қандай услубларни ишлатмоқчи эдингиз?
- Уларнинг "Нефтчи"га қарши ўйинини томоша қилдим, улар тезлик эвазига жуда мослашувчан жамоа. "Қизилқум"га қарши умуман бошқача футбол кўрсатишимиз кераклигини билардик. Бугун майдонни ўришмагани бизга бироз ҳалақит қилди. Чунки тўп жуда секин ҳаракатланди. Бу атай қилинганми, билмадим. Балки бунга ҳам аҳамият бериб қўйиш керакдир. Биз Суперлиганинг даражасини оширишга ҳаракат қиляпмизми, демак, бундай деталларга ҳам қараш керак. Шунчаки бу футболнинг ўсишига ёрдам бермайди. Биз тўпни тезроқ ҳаракатлантириб, тезкор футбол намойиш қилмоқчи эдик. Аммо майдон бунга қаршилик қилди.
