- Ўйин дербига ҳос жанглар билан ўтди. Бизга агрессия етишмади деб ўйлайман. Бундай баҳслар тақдирини битта гол ҳал қиларди ва рақибга омад кулиб боқди.
- Танаффусдан олдинги ва кейинги "Яйпан"нинг фарқи каттадек. Бу яхши футболчиларнинг жамоадан кетгани билан боғлиқми ёки янги келганлар эскиларнинг ўрнини боса олишмаяптими?
- Ундай деб ўйламайман. Катта танаффус бўлди. Жамоа ҳали ўз ўйинини топиб олади. Бунинг учун вақт керак бўлади.
- Ўтган ўйинда гол урган Мустафо Абдуманнопов захирадан майдонга туширилганининг сабаби нима?
- Абдуманнопов ўтган ўйинда ҳам яхши ўйнаганди ва гол ҳам урди. Бугунги ўйинда у захирадан майдонга тушиб, иккинчи таймда ўйинни кучайтиришини режа қилгандик, бироқ бу ўхшамади.
- Катта танаффусдан кейин Абдувосиқ Абдурашидов агрессив бўлиб қолганга ўхшайди.
- Бу табиий ҳол. Ҳар қандай футболчи ўзининг собиқ жамоасига қарши ўйнаганада, шундай агрессияни намойиш қилади. У ўз ишини қилди.
