“Diario Sport” нашрининг маълумотига кўра, португалиялик футболчи клубнинг Австриядаги мавсумолди йиғинига келмаган. У айни дамда Португалияда бўлиб турибди ва агенти Жорже Мендеш уни “Барселона”га қайтариш бўйича музокаралар олиб бормоқда.
Саудия Арабистони клуби раҳбарияти тартибни бузгани учун футболчига нисбатан интизомий чоралар қўллаш имкониятини кўриб чиқаётгани хабар қилинмоқда. Манбанинг таъкидлашича, Канселунинг йўқлиги томонлар ўртасидаги музокараларга янада кескинлик қўшган.
Шунга қарамай, “Барселона” оптимизмни сақлаб қолмоқда ва битимни 10 миллион евродан камроқ суммага якунлашга умид қилмоқда. Каталонияликлар юзага келган қийинчиликларга қарамай, трансферни яқин орада ҳал қилиш мумкинлигига ишонади.
