- "Арал" - пешқадам жамоа ва жиддий рақиблигини билардик ва уларнинг кучли томонларини ўрганиб чиққандик. Барибир тажриба ва маҳорат стандартдан кейин ўз сўзини айтди. Ўтган ўйинда Бекободда Бубанья ҳам гол урганди. Шундай вазиятларда гол ўтказиб юборяпмиз. Йигитлар ёш, бу улар учун катта тажриба ва кейинги ўйинларда бундай хатолар қилмасликка, яхши футболчи бўлиб етишишига ҳаракат қиламиз. Ўйинга келадиган бўлсак, биринчи бўлим курашларга бой бўлди. Кўп курашларда ютқаздик. Биринчи тўпларни ютишда бўй пастлик қилди. Охирига келиб, вазиятлар ярата олдик, бироқ гол ура олмадик. Балки тўпни киритганимизда, ўйин умуман бошқача бўлиб кетарди. Иккинчи бўлимда мен қўрққан жиҳат - тажриба, айнан шу эвазига "Арал" гол урди. Ўтган ўйинга қараганда йигитлар чўчиб ҳаракат қилгандек бўлишди. Бу яққол кўзга ташланди. Бу ўйинни ўрганиб чиқамиз ва хатоларни тўғрилашга ҳаракат қиламиз. "Арал"ни ғалаба билан табриклайман.
- Бугун жамоангиз яхши ўйнади. Танқид эмас, камчиликдек туюлади: дарвозабоннинг бўйи пастдек. Баъзан тўпга чиқишда бу ўз эффектини бериб қоляпти.
- Бу жамоага яхши, келажаги бор футболчиларни йиғганмиз. Вақт ўтса бу ўз самарасини беради ва йигитлар яккакурашларда ютқазишмайди. Бу болалар энди кучга тўлмоқда, кучга тўлса умуман бошқа жамоага айланади.
- Бугун Муҳаммадазиз Рўзибоев ўзига ўхшамади ва шу сабабли алмаштирилди. Шунингдек, жамоа сардори Мирқодиров тўпни кўп йўқотди. Бу ҳақда нима дея оласиз?
- Рўзибоев биринчи бўлимдан кейин шифокорларга мурожаат қилди ва оёғи тортаётганини айтди. Шифокорлар уни алмаштириш кераклигини айтишди. Келишган ҳолда уни олиб ташладик ва бошқа ўйинчини ўйнатдик. Мирқодировга келадиган бўлсак, ўтган ўйинда ҳимоячимиз тўртинчи сариқ карточкасини олганига бу ўйинда уни олдинроқда ҳаракат қилишини истагандик. Бу у учун ноқулай жой ва кўп ўйнамаган. Бу борада тажриба қилдик, энди буни тахлил қилганимиздан кейин ҳулосасини чиқарамиз. Вазиятдан келиб чиқсак, уни бироз олдинроққа чиқаришимиз керак эди.
- Жамоа сўнгги иккита ўйинда етакчилар қаторидаги жамоалар билан ўйнади ва кўп куч йўқотди. Бугун шу сабабли жамоанинг ўйини чиқмади. Кўп кераксиз зарбалар бўлди.
- Бу тўпланадиган чарчоқ. Бу бўладиган нарса. Бизда тикланадиган жараён аъло даражада. Йигитларнинг бу ҳолати бизга ҳам кўринмоқда. Ечимини топамиз. Лекин ёш билан тажрибали футболчилар орасида фарқ бор: ёш футболчи бугун ёки эртага яхши ўйнаб беради ва кейин пастга қараб кетиши мумкин. Тажрибали футболчи эса битта даражада ўйнаб беради. Фарқи шу. Энди футболчилар шундай ўйинлар орқали тажрибани тўплаб, кейин битта меъёрда юрадиган барқарор футболчи бўлиши учун ҳаракат қиламиз.
- Кейинги ўйин "Республика ФА"га қарши бўлади. Деярли тенгдош жамоалар. Бу ҳақда нима дейсиз?
- Бу ҳам жуда қийин баҳс бўлади. Бизнинг жамоа ҳам улар ҳам исботлагиси келади, муҳими кучлиси ютсин. Ҳар бир ўйинга жиддий тайёрланиб борамиз.
- Ўйинни тўлиқ кўра олмадим ва мен кўрган уч эпизодда Лазизбек Мирзаев калит пасларни бериши керак бўлган жойларда аниқ пас бера олмади. Унинг бугунги ўйинига қандай баҳо берасиз?
- Лазиз олаётган иш ҳажмини бошқа футболчи қила олмаяпти. Лазиз олдинда ҳам, ҳужумни ташкил қилишда ҳам, ҳимояда ҳам ўйнамоқда. У жамоамизнинг етакчиси ва тўпни ўзига кўпроқ тортадиган футболчи. Унинг бугунги ўйини менга 100 фоиз ёқди. Етакчи сифатида унинг меҳнатини кўраётган бошқа жамоадошлари ҳам шундай бўлишга ҳаракат қилади. Ўйиндан ўйинга у яхшиланиб боради. Кўрасиз, у мавсум охирига қадар умуман бошқа даражада бўлади.
