Компаниянинг футбол бўйича янги раҳбари Рожер Шмидт бўлади — мутахассис расман 1 октябрдан ўз вазифасига киришади.
Шмидт яқинда Германия терма жамоасини бошқариш учун ўз лавозимини тарк этган Клоппнинг ўрнини эгаллайди. 59 ёшли Шмидт “Red Bull” фалсафаси билан жуда яхши таниш — у 2012 йилдан 2014 йилгача “Зальцбург”ни бошқарган ва компания услубига энг яқин мураббийлардан бири ҳисобланади.
Янги лавозимида Шмидт “Red Bull” тизимига кирувчи барча клублар — “Лейпциг”, “Нью-Йорк”, “Зальцбург”, Бразилиянинг ”Брагантино”, Япониянинг “Омия Ардия”, шунингдек, компания миноритар улушга эга бўлган “Лидс” ва “Париж” клубларининг спорт томондан ривожланиши учун масъул бўлади.
Шмидтнинг охирги иш жойи “Бенфика” бўлганди. 2022/23 йилги мавсумда германиялик мураббий Лиссабон клуби билан Португалия чемпионлигини қўлга киритди ва жамоани Чемпионлар Лигасининг 1/4 финалига олиб чиқди. 2025 йилнинг октябрь ойидан эса у Япония J-лигасида футбол масалалари бўйича консультант сифатида фаолият юритаётган эди. Шмидт шиддатли ҳужумкор услуб ва юқори прессингга асосланган футболи билан машҳур — айнан шу тамойиллар “Red Bull” футбол моделининг негизини ташкил қилади.
“Red Bull“ тузилмасида Шмидт лойиҳанинг спорт қисмига масъул бўлади. Маъмурий йўналишни эса аввалгидек Флориан Шольц бошқариб боради.
