UZ

Сўнгги янгиликлар

08:48Here we go! "Арсенал" яна бир трансферни якунлади  0 08:20Антонининг "Бетис"га трансфери барбод бўлди  2 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  8 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  20 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  6 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  3 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  34 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5

Ливан термаси устози Миодраг Радулович: "Қатар мусобақа фаворити, аммо биз ғалаба учун майдонга тушамиз" Янгиликлар

Ливан термаси устози Миодраг Радулович: "Қатар мусобақа фаворити, аммо биз ғалаба учун майдонга тушамиз"

Эртага Қатарда Осиё кубоги старт олади.

Мусобақанинг очилиш ўйинида Қатар ва Ливан терма жамоалари майдонга тушишади. Ушбу учрашувдан олдин ўтказилган матбуот анжуманида Ливен терма жамоаси бош мураббийи Миодраг Радулович журналистларнинг саволларига жавоб қайтарди.



- Эртанги ўйиндан қандай натижа кутмоқдасиз? Умуман таёргарлик босқичи қандай ўтди?

- Мусобақага етиб келдик. Ҳа, тайёргарлик учун қисқа вақт бўлди, аммо биз тайёрмиз. Жуда яхши формадамиз ва бор кучимизни ишга соламиз. Бу терма жамоада аввал ҳам фаолият олиб борганман. Тажрибали футболчиларимизнинг имкониятларини жуда яхши биламиз. Бизда жуда кучли ёш авлод шаклланган. Мен терма жамоамдан кўп нарса кутяпман. Мен бироз ташвишга солган нарса бу жароҳатлар. Эртага яхши натижа қайд этишимизга ишоняпман. Қатар мусобақа фаворити, аммо биз эртага ғалаба учун майдонга тушамиз.

- Ушбу мусобақа сиз ва жамоангиз учун нимани англатади. Мусобақадан олдинги иштиёқ қандай?

- Ҳаммада мотивация катта. Барча футболчиларимиз бу каби катта мусобақада иштирок этишни орзу қилишган. Мен уларга бор кучларини беришларини айтмоқдаман. Эртага биринчи ўйин. Жуда кўп мухлислар бўлади. Уч очко учун ўйнаймиз, дуранг ёки бошқа натижа учун эмас. Биз бу ерда яхши натижа кўрсатмоқчимиз.

- Қатар гуруҳнинг фаворити. Бу гуруҳда ўз имкониятингизни қандай баҳолайсиз?

- Тўғри, Қатар кучли жамоа. Бошқа термалар ҳам кучли. Хитой ва Тожикистон термаларининг натижалари ҳам улар ҳозир қай даражада эканликларини кўрсатмоқда. Ҳамма ўйинлар қийин бўлишини тахмин қиляпман. Аммо мен оптимистман ва бу ўйинларда яхши натижа кўрсатишимизга ишонаман.

Ливан терма жамоаси футболчиси Ҳасан Маътук:

- Биз жуда қийин пайтларни бошдан ўтказдик. Ортга ташланган қадамлар бўлди. Биз энг камида инсонларни бахтли қилмоқдаман. Кейинги босқичга чиқишимизга ишонмоқдамиз. Биламиз, бу қийин бўлади, аммо жамоадаги барча бу нарсага ишонмоқда.

- Ливан ва унинг атрофидаги ҳолатлар сизга қандай таъсир ўтказади?

- Бу савол сиёсий. Биз бор эътиборимизни футболга қаратганмиз.



Миодраг Радулович ОАВга интервью беряпти


- Қатар терма жамоаси фаворит. Уларга қандай ноқулайлик туғдирмоқчисизлар?

- Қатарни ҳурмат қиламан. Улар мусобақанинг фаворитларидан бири. Шу билан бирга, биз учун ҳам бу мусобақа ҳақиқий синов. Бундан ташқари, ушбу Осиё кубоги орқали Жаҳон чемпионати саралаши ва кейинги Осиё кубогида иштирок этадиган ёш ўйинчиларимиз тажриба тўплашади.

- Сиз аввал ҳам Ливан термасини бошқаргансиз. Олдинги ва ҳозирги терма жамоа ўртасида қандай фарқ бор?

- Беш йилдан кейин қайтдим. Менда яхши хотиралар бор. Олдинги сафар тарихий натижа қайд этгандик. Бу сафар ҳам шу нарсани такрорлашимиз керак. Бизда тажрибали ўйинчилар бор, шу билан бирга, бизда янги авлод ҳам етишиб чиқди. Фарққа келсак, бизда ҳозир позитив энергия бор. Етакчиларимиз яхши ички муҳитни таъминлаб беришган.

- Қатардаги Осиё кубоги ташкилотчилиги ҳақида фикрингиз қандай?

- Албатта, мен Олимпия ўйинларида, ўтган Осиё кубогида ва яна жуда катта мусобақаларда бўлганман. Ташкилотчиликдаги фарқни кўриб турибмиз. Ҳаммаси аъло даражада. Мен Қатар ҳукуматига бу ишлар учун раҳмат айтиб қоламан.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика