Флорентино Перес "қаймоқранглилар" президенти этиб қайта сайланди ва Жозе Моуринью бош мураббий бўлди.
Журналист Рамон Альварес де Моннинг хабар беришича, "Special one"нинг ёрдамчиларидан бири 2007 йилдан 2017 йилгача жамоада ҳаракат қилган ҳимоячи Пепе бўлади.
Февраль ойида 43 ёшни қарши олган Пепе атиги 2 йил олдин футболчилик фаолиятини якунлаганди, унинг охирги клуби "Порту" эди.
Аввалроқ Жозе Моуринью "Реал"ни 2010 йилдан 2013 йилгача бошқарган. У тез орада расман "Бенфика"ни тарк этади ва Мадридга қайтади.
