Лотар Маттеус: "Дунёда Ҳарри Кейндан яхшироқ ҳужумчини кўрмаяпман"

"Ҳозир мен дунёда Ҳарри Кейндан яхшироқ ҳужумчини кўрмаяпман. Нафақат голлари туфайли, балки унинг кўп қирралилиги ва ўйнаётган позициялари туфайли ҳам. У ўзининг пас берувчилиги, дриблинг устаси эканлиги билан ажралиб турибди. У — тўпурар, плеймейкер, "бокс-ту-бокс" ўйинчиси. Эрлинг Ҳоланд ва Килиан Мбаппе ўз жарима майдончасига келиб жон ҳолатда ташланганини кўрмаганман, Кейин "Боруссия" билан ўйиннинг 88-дақиқасида тўпга сирғалган ҳолда ташланди. Мен Ҳоланд ва Мбаппе 50 метр ёки ундан узоқроқ масофага пас узатганини ҳам кўрмаганман.

Кейннинг ўйинини кўриб, нега у "Олтин тўп" учун овоз беришда атиги 13-ўринни эгаллади, деган савол туғилади. Агар у шу суръатда давом этса, келаси йили совринни қўлга киритиши мумкин, аммо бу жамоа муваффақият қозонган тақдирдагина амалга ошади.

Роберт Левандовски 2020 йилда "Бавария" билан Чемпионлар Лигасида ғалаба қозонди ва кейинчалик дунёнинг энг яхши футболчиси деб топилди, аммо бу икки футболчини солиштириб бўлмайди. Кейн марказ ҳужумчиси ўйинини қайтадан кашф этди, худди Мануэль Нойер бундан ўн ярим йил аввал дарвозабонлар билан қилганидек. Кейн 32 ёшда ва унинг шартномаси 2027 йилгача мўлжалланган. Мен у билан шартномани иложи борича тезроқ узайтирган бўлардим", – деди Маттеус.