Римдаги "Олимпико" стадионида кечган беллашув Жузеппе Коллу бошчилигидаги ҳакамлар бригадаси томонидан бошқарилди. Учрашув майдон эгаларининг 3:1 ҳисобидаги ғалабаси билан якунланди.
Ўйиндаги ҳисобни 3-дақиқада "Лацио" ҳимоячиси Нуну Тавареш очди. 23-дақиқада ҳужумчи Густав Исаксен римликларнинг устунлигини оширди. 35-дақиқада "Монца" аъзоси Лоренсо Луккези қизил карточка олиб, майдондан четлатилди. 46-дақиқада меҳмонлар ҳимоячиси Саба Гогличидзе ҳисобдаги фарқни қисқартирди. 88-дақиқада эса ҳужумчи Андреа Пинамонти "Монца" дарвозасига учинчи тўпни киритди.
“Лацио” - “Монца” 3:1
Голлар: Тавареш 3, Исаксен 23, Пинамонти 88 - Гогличидзе 46.
Четлатиш: Лукеззи 35
А Сериядаги олтита ўйиндан сўнг 16 очко жамғарган "Лацио" турнир жадвалининг иккинчи поғонасидан жой олди. 4 очкога эга "Монца" эса 17-ўринда бормоқда.
