Капеллонинг фикрича, бунинг асосий сабаби — А Сериядаги ўйин темпининг пастлигида.
А Сериянинг муаммоси нимада?
Эслатиб ўтамиз, Италия чемпионати пешқадами бўлиб турган "Интер" икки ўйин натижасига кўра (1:3 ва 1:2, умумий ҳисоб — 2:5) Норвегия клубига йўлни бўшатиб берди. Капелло бундай натижани маҳаллий чемпионатдаги муҳит билан изоҳлади:
"Италия футболида жуда секин ўйнашади — бунга ҳеч нарса қилиб бўлмайди. Жамоаларимиз кўп югурадиган ва прессинг қиладиган рақибларга дуч келганда, фақат секин ўйин намойиш эта олишади.
Қачонки сиз тезликни ёки интенсивликни оширмоқчи бўлсангиз, бунга сифат ёки шундай ўйнаш кўникмаси етишмайди — натижада эса хатоларга йўл қўясиз."
Агрессивликнинг йўқлиги:
Капелло ҳакамлар ва ички чемпионатдаги ёндашувни ҳам танқид қилди:
"Биз агрессив ўйинга ўрганмаганмиз, чунки А Серияда шундай ўйнашга ҳаракат қилсангиз, сизни дарҳол тўхтатишади ва бунинг оқибатида натижалар мана шундай ачинарли кўриниш олмоқда. Биз секин ўйнаймиз, шу сабабли "Интер" хавфли вазиятлар яратишга уринганида қанчалик қийналганини барчамиз кўрдик," — деди Фабио Капелло.
Италия грандининг кутилмаганда Норвегия жамоасига ютқазиши кўплаб мутахассисларни А Серия даражаси ҳақида жиддий ўйлаб кўришга мажбур қилмоқда.
