Ушбу нохуш вазиятдан сўнг, "Каттақўрғон" жамоаси бош мураббийи Илёс Зейтуллаев трибунага йиғилган ишқибозлар қаршисига чиқиб, ўзининг самимий мурожаатини йўллади:
"Стадионга келган барча мухлисларимизга — ёш болалар ва ёши улуғ инсонларга катта раҳмат айтаман. Бош мураббий сифатида бугун юз берган ташкилий муаммо учун масъулиятни ўз зиммамга оламан ва барчангиздан узр сўрайман.
Кейинги сафар бундай ҳолат қайтарилмаслигига ваъда берамиз. Бугунги кун биз учун катта сабоқ бўлди. Биз интизомли ва ўз ўрнига эга жамоа барпо этишда давом этамиз. Сизларнинг қўллаб-қувватловингиз билан барчасини уддалаймиз ва клуб шаъни учун охиригача курашамиз!" — деди жамоа устози.
