The Irish Times хабарига кўра, терма жамоанинг яна баъзи футболчилари учрашувларда майдонга тушишдан воз кечиш имкониятини кўриб чиқишмоқда. Жамоа ичидаги муҳокамалар Ирландия терма жамоасининг Дебрецендаги режалаштирилган матбуот анжумани ва машғулоти кечиктирилишига олиб келди.
Исроил ва Ирландия ўртасидаги биринчи ўйин 27 сентябрь куни Дебреценда, иккинчиси эса 4 октябрь куни Сербиянинг Бачка-Топола шаҳрида бўлиб ўтиши керак. Иккала учрашув ҳам бетараф майдонларга кўчирилган.
Аввалроқ Ирландия терма жамоаси бош мураббийи Хеймир Хадльгримссон жамоа ичида ушбу ўйинлар борасида турли фикрлар мавжудлигини ва терма жамоадаги ҳаммага уларни ўтказиш ноқулай эканини айтган эди.
Шу билан бирга, 24 сентябрь куниёқ жамоа сардори Дара О’Ши футболчилар Исроилга қарши иккала ўйинни ҳам ўтказишга келишиб олишганини, мумкин бўлган жамоавий норозилик акцияси ҳақидаги қарорни эса алоҳида қабул қилишни режалаштиришганини маълум қилган эди.
