"Очиғи айтаман, 2004 йилда 1988 йилда туғилган футболчилар терма жамоасига Ислом Аҳмедов мураббийлик қиларди. Мен ўзим 1987 йилда туғилганман. Уларнинг ўзлари мени 1988 йил қилиб беришган. Бир йилга "урилганман"! Мактабга эса бир йил олдин борганман ва мен 1986 йилда туғилганлар билан ўқиганман. Ўша вақтларда 6 ёшдан мактабга чиқиш мумкин бўлган. Мен 1986 йилдагилар билан ўқиганман, ўзим 1987 йилда туғилганман ва паспортимга 1988 йил деб ёзилган", - деб фикр билдирди терма жамоамизнинг собиқ футболчиси.
