Аввалроқ 45 ёшли мутахассис терма жамоаларнинг ноябрь ойидаги танаффуси пайтида истеъфога чиқарилиши мумкинлиги хабар қилинганди.
"Бу менинг кимлигим, нима учун яшаётганимни англатади. Жамоа ғалаба қозонаётган пайтда бу ишни кўпчилик уддалай оларди. Ёмон натижалар менинг руҳиятимни асло ўзгартиргани йўқ.
Кийиниш хонасида муҳит аъло даражада. Воқеликни идрок этиш — қизиқ нарса: бир хил вазиятни турлича талқин қилиш мумкин. Футболчиларнинг клубга ва бир-бирларига бўлган садоқатига келсак, мен бунга умуман шубҳа қилмайман.
Ўзимни иккита ўйини қолган мураббийдек ҳис қилмаяпман. Келажакда нима бўлишини ҳеч қачон олдиндан билмайсан, аммо бу менинг ҳис-туйғуларимни асло ўзгартирмайди. Ўйинни сабрсизлик билан кутяпман. Эҳтимол, натижаларимизни инобатга олиб мени жиннига чиқарарсиз, лекин мен ҳақиқатан ҳам ушбу учрашувни интиқлик билан кутяпман", – дея Кэррикнинг сўзларини келтиради "Manchester Evening News".
"Манчестер Юнайтед" бугун ўз майдонида "Рома"ни қабул қилади. Баҳс Тошкент вақти билан соат 01:00 да бошланади.
