“Даража жуда юқори ва Энцо мураббий сифатида тасодифан танланмаган. Ўйлайманки, унда сифат бор, бир қатор янги ғоялар бор. Шунингдек, ўйин услуби, ўйнайдиган футбол, тактика ва бошқа нарсалар билан нима қилишимизни кўриб чиқишимиз керак. Менимча, у идеал вариант, лекин, албатта, вақт керак.
Бу мутлақо янги нарса, мураббийни алмаштириш осон эмас, шунинг учун бизга вақт керак бўлади. Бизнинг вазифамиз унга иложи борича кўпроқ ёрдам бериш, шунингдек имкон қадар тезроқ мослашишга ҳаракат қилиш учун уни тинглашдир. Мен у билан учрашдим, жароҳатим ҳақида бироз суҳбатлашдик, шунингдек қандай ўйнаганимиз, илгари Пепе билан қандай ўйнаганим ҳақида гаплашдик, умуман олганда шу холос”, — деди Гвардиол.
