Гонконг бош мураббийи: "Вазиятга реал қараш лозим, бундай терма жамоаларга гол уриш қийин"

"Бизга техник директор бўлиб келган, 10 йил давомида Англия Премьер-лигаси клуби академиясини ("Брайтон") бошқарган Жон Морлинг билан учрашдим. У катта тажрибага эга. Иккита ўйинда у билан бирга ишладим ва кўп мулоқот қилдик, Морлинг ажойиб инсон.

Ўзбекистонга қарши баҳсда мухлислар бизнинг 12 футболчимиз бўлишади, чунки "Монг Кок" стадионида (6664 мухлисга мўлжалланган) бўладиган баҳс учун чипталар саноқли соатларда сотилиб кетди.

Ўзбекистондек Осиёнинг йирик жамоасига қарши рақобатлашишнинг ягона йўли - Осиё Кубогидаги каби юқори даражада ўйнаш. Биз бор кучимизни сарфладик, кўп югурдик ва доимо курашларга кирдик.

Вазиятга реал қараш лозим, бундай терма жамоаларга гол уриш қийин. Гонконг чемпионатида кўп гол урадиган футболчиларимиз бор, аммо бу даража анча қийинроқ.

Агар биз бир, икки ёки учта вазият яратсак ва омад бизга кулиб боқса, улардан бири гол билан якунланиши мумкин" - деди Гонконг бош мураббийи.