ФИФА аввалроқ ФИФАнинг тижорий фаолиятини, шунингдек, турнирларни ташкил этиш бўйича ишларни бирлаштириши керак бўлган FIFA Forward Enterprise (FFE) компаниясини тузиш режасини эълон қилган ва хусусий инвесторларни ундан улуш сотиб олишга таклиф этганди. Бу таклиф Европа футбол ассоциациялари иттифоқининг (УЕФА) салбий реакциясига сабаб бўлди ва у агар ушбу ташаббус қайтариб олинмаса, ФИФА турнирларига бойкот эълон қилиш хавфи борлигини маълум қилди.
Кейинроқ ФИФА Инфантинонинг баёнотини эълон қилди, унда президент ушбу лойиҳа келишмовчиликларни келтириб чиқарганини тан олди ва таклиф амалга оширилмаслигини билдирди.
Инфантино 2016 йилдан буён ФИФА раҳбари лавозимини эгаллаб келмоқда. У аввалроқ 2027 йилнинг баҳорида Марокашда бўлиб ўтадиган сайловда иштирок этиш ниятини билдирган эди.
