Бу ҳақда “The Athletic” хабар берди.
Манбанинг маълум қилишича, ФИФА Инфантинонинг суд жараёнидаги харажатларини қоплашга тайёр, чунки у ташкилот президенти сифатида унинг номидан ҳаракат қилган.
27 август куни УЕФА Инфантинога бўлган ишонч йўқолганини ва жаҳон футболи раҳбариятини алмаштириш зарурлигини маълум қилди. Ташкилот, шунингдек, агар функционер янги муддатга ўз номзодини илгари сурса, бошқа конфедерациялар билан бирга муқобил номзод чиқишига эришишини билдирди. Кейинроқ “Sky News” телеканали УЕФА Швейцарияда Инфантинога нисбатан жиноий иш қўзғатишга ҳаракат қилмоқчи экани ҳақида хабар берди.
Аввалроқ ФИФА хусусий инвесторларга янги FIFA Forward Enterprise (FFE) тузилмасининг 20 фоизга яқин акцияларини сотиш орқали 4,2 миллиард доллар жалб этишни режалаштирган эди. Ушбу тузилмага ташкилотнинг медиа ва тижорий ҳуқуқларини, жумладан, Жаҳон чемпионатлари ҳуқуқларини топшириш кўзда тутилганди. УЕФАнинг ФИФА турнирларини бойкот қилиш билан таҳдид қилганидан сўнг Инфантино тижорий ҳуқуқларнинг бир қисмини сотиш режасидан воз кечилганини эълон қилди.
