Флорентино Перес Луис Суаресга ишора қилиб, симулянтларни жазолаш кераклигини айтди

Перес бу гапи билан "Реал" ва "Барселона" ўртасидаги Испания Суперкубогининг биринчи баҳсида (3:1) Криштиану Роналдунинг дисквалификациясини ёдга олди. Роналду ўз ҳаракатлари учун 5та учрашувга четлатилган: У голни нишонлаш чоғида футболкасини ечиб биринчи сариқ карточкани олади. 83-дақиқада эса Роналду симуляция ишлатиб, майдондан четлатилди. Шу билан бирга форвард ҳакамни туртиб юборди. Перес бу ҳақида гапираётиб, "Барселона" ҳужумчиси "Реал" майдончасида ишлатган симуляциясига ишора қилди ва симулянтларни жазолаш кераклигини айтди.

"Баъзи жаноблар симуляция қилишади ва ҳеч нарса содир бўлмайди. Бироқ симуляция қилмайдиганлар "емаган сомсасига пул тўлашади". Бизда ҳамма хато қилади, аммо фақат уларнинг бири жабр кўради. Алдоқчилик қилаётганларни жазолаш керак" - дейди Перес.