Туркия клуби маълум қилишича, санкция Юссеф Эн-Несирининг "Севилья"дан трансфери бўйича қарздорлик билан боғлиқ. Марокашлик футболчи 2024 йилнинг ёзида "Фенербахче"га ўтган эди, 2026 йилнинг февраль ойидан бери эса "Ал Иттиҳод" шарафини ҳимоя қилмоқда.
"Фенербахче" талқинига кўра, 2026 йил 30 апрелда амалга оширилиши керак бўлган тўловлардан бири клубнинг олдинги маъмурияти томонидан тўланмаган. Раҳбарият алмашганидан сўнг муддати ўтган сумма тўлаб берилган, аммо "Севилья" кейинги траншни ҳам талаб қилган. ФИФА ушбу талабни қаноатлантирди ва футболчиларни рўйхатдан ўтказишга вақтинчалик тақиқ қўйди.
"Фенербахче" расмий жараёнлар якунлангач, санкция тез орада олиб ташланишига умид қилаётганини таъкидламоқда. Журналист Яғиз Сабунжуоғлунинг маълумотига кўра, Туркия клуби "Севилья"га 3 млн евро ўтказиб бериши керак.
