Англиянинг Park Bench инвестиция компанияси клубни Жерар Лопесдан рамзий 1 евро эвазига сотиб олишга тайёргарлик кўрмоқда, деб хабар беради Sud-Ouest.
Битим, шунингдек, "Бордо"нинг қарзларини қайта таркиблашни (реструктуризация қилишни) назарда тутади: тўлов муддати 10 йилдан 12 йилгача узайтирилади, умумий қарз эса 26 млн евродан 13 млн еврогача қисқартирилади. Лопес ўзига тегишли бўлган қарздорликнинг бир қисмидан воз кечади.
Июль ойида клуб Франциянинг олтинчи дивизионига тушириб юборилган эди, жамоанинг апелляциялари рад этилган.
