Ўйиндан кейин "Лочин" бош мураббийи Элдор Мойлиев матбуот анжуманида иштирок этди.
- Ўйин ҳақида фикрингиз?
- "Республика ФА" яхши жамоа эканини биламиз. Жамоа тиришқоқ ва курашувчан. Агар ўйин берганимизда бизга қийин бўларди, шу боис имкон қадар юқори прессинг қилиб ўйин бермасликка ҳаракат қилдик. Биринчи таймда бунинг уддасидан чиқдик. Иккинчи таймда хатоларга йўл қўйдик. Гол уриш учун вазиятларимиз ҳам бўлди, лекин фойдалана олмадик. Дуранг адолатли бўлди деб ўйлайман.
- Шогирдларингиз бир неча бор олдинга боришди, аммо охирги зарбани беришда пассивлик кузатилди.
- Машғулотларда бу борада ишлаяпмиз. Лекин ўйинга келганда якуний зарбани бера олмаяпмиз. Ҳар тўртинчи-бешинчи кун майдонга тушаётганимиз учун машғулот кўп қилмаяпмиз, асосан тикланиш билан овора бўлиб қоляпмиз.
- Бугун жамоангиз тўп назорати бўйича катта устунликка эга бўлди.
- Нафақат бугун, ҳар ўйинда тўп назорати бўйича кўрсаткич бизда яхши чиқяпти. Ёш жамоаларга тўпни берсангиз, улар ҳам назорат қилади. Шу боис бермасликка ҳаракат қиламиз. Ҳужумларимиз бор, лекин реализация кўринмаяпти. Ўйин услубимиз ҳам тўп назоратига асосланган.
