"Бунёдкор" АГМКни 3та ўйиндан бери юта олмаяпти ёхуд Мақсудов Қосимовга қарши

Ушбу учрашувга доир факт ва маълумотларни беришни бошлаймиз. 

"Бунёдкор" сўнгги маротаба АГМК ни 2019 йилги мавсумнинг биринчи даврасида Лутфулла Тўраевнинг ягона голи эвазига мағлубиятга учратган эди. Шундан сўнг чемпионат доирасидаги кетма-кет учта ўйинда Миржалол Қосимов шогирдларининг қўли баланд келди. АГМК ўз майдонида "Бунёдкор"га қарши охирги иккита учрашувда ғалабани тантана қилган.

5-тур. 20.04.2019. АГМК -  "Бунёдкор" 0:1

22-тур. 18.10.2019. "Бунёдкор"- АГМК 0:2

3-тур. 13.03.2020. АГМК -  "Бунёдкор" 2:0 

16-тур. 22.09.2020. "Бунёдкор"- АГМК 2:3

"Бунёдкор" мана шу ўйинларда 3та гол урган, ўз дарвозасидан 7та тўп олиб чиққан.

Бугунги тўқнашув ўйин ушбу жамоаларнинг Суперлигадаги ўзаро 26-учрашуви ҳисобланади. АГМК ва "Бунёдкор" ўртасидаги ўйинларда 5 маротаба олмалиқликлар ғалабани тантана қилган бўлса, 5 бор дуранг қайд этилган ва 16 марта "Бунёдкор" ғалаба қозонган. Тўплар нисбати ҳам "қалдирғочлар" фойдасиға: 28-48. "Бунёдкор"нинг АГМК устидан қозонган энг йирик ҳисобдаги ғалабаси 4:1 бўлган. Голларга Анвар Бердиев 2та, Олександр Пишур ва Олег Зотеев муаллифлик қилган эди. "кончилар"нинг энг йирик ҳисобли ғалабаси 3:1. Қизиғи мазкур натижа ҳам 2013 йил қайд этилган. Биринчи даврада кечган ўйинда Зафар Полвонов 1та ва Евгений Гоголь 2та голи билан АГМКга тарихий натижани келтирган.