Рубиалес RFEF президенти лавозимига қайтишни истамоқда. Луиснинг Эрмосони ўпгани учун берилган дисквалификация муддати тугади

Aslanov Jasurbek
18 ноя 2026, 20:37
Испания Қироллик футбол федерацияси (RFEF) собиқ президенти Луис Рубиалеснинг дисквалификация муддати ниҳоясига етди.

Уч йил давомида Луис футбол федерацияси тузилмаларида бирор-бир лавозимни эгаллай олмас эди.

Эслатиб ўтамиз, 2023 йилда жаҳон чемпионати олтин медалларини топшириш маросими вақтида Рубиалес Испания терма жамоаси футболчиси Женнифер Эрмосонинг лабидан ўпган эди. Суд RFEF собиқ раҳбарига бир йил давомида Эрмосога 200 метрдан яқин масофага яқинлашишни ва у билан мулоқот қилишни тақиқлаган. Шунингдек, Рубиалесга 18 ой давомида кунига 20 евродан жарима тайинланган бўлиб, жариманинг умумий миқдори 10 минг евродан ошган.

El Pais нашри маълумотларига кўра, Рубиалес ўз лавозимини қайтариб олиш ниятида. Унинг атрофидагилар RFEFнинг амалдаги раҳбари Рафаэль Лоузанга нисбатан ишончсизлик вотуми эълон қилиш имкониятини муҳокама қилмоқда.

Шунга қарамай, федерациядагилар Луиснинг тарафдорлари етарли эмас, деб ҳисоблашмоқда.

Ўхшаш янгиликлар

Aslanov JasurbekМуаллиф
Манба: El Pais

Сўнгги янгиликлар

Барча ›