— Биринчи бўлиб бугунги ўйин ҳақидаги фикрларингиз билан ўртоқлашсангиз.
— Яхши ўйин бўлди. Йигитларнинг ҳаракатидан, футбол ўйнашганидан кўнглим тўлди. Фақат яна ўша гап — охирида озгина кучимиз етмади. "Каттақўрғон" жамоаси бугун ҳимояга ётиб, қарши ҳужумда ўйнад. Шунга йигитлар озгина қийналишди, энди бунинг устида яна ишлаймиз.
— Жамоада футболчилар бир-бирини жуда яхши тушуняпти, комбинациялар ҳам тизимли йўлга қўйилган. Лекин ҳужумга нуқта қўювчи, зарба берувчи футболчи етишмаётгандек...
— Бунинг устида ишлаяпмиз. Ҳозир яна бир-иккита янги футболчи олдик, Худо хоҳласа, ушбу йигитлар олдинги чизиқдаги ҳужумларимизни кучайтиради деган умиддаман.
— Ўринбосарлар таркибига бериб юборилган футболчиларнинг ўрнига академиядан ёшлар жалб этиладими?
— Ҳа, ҳозир таркибимизга 2009 йилда туғилган уч нафар футболчини жалб қилдик. Унгача 2008-йилги йигитлар эди, жамоамиз янада ёшармоқда.
