- Birinchi bo'lib bugungi o'yin haqidagi fikrlaringiz bilan o'rtoqlashsangiz.
- Yaxshi o'yin bo'ldi. Yigitlarning harakatidan, futbol o'ynashganidan ko'nglim to'ldi. Faqat yana o'sha gap - oxirida ozgina kuchimiz yetmadi. "Kattaqo'rg'on" jamoasi bugun himoyaga yotib, qarshi hujumda o'ynad. Shunga yigitlar ozgina qiynalishdi, endi buning ustida yana ishlaymiz.
- Jamoada futbolchilar bir-birini juda yaxshi tushunyapti, kombinaciyalar ham tizimli yo'lga qo'yilgan. Lekin hujumga nuqta qo'yuvchi, zarba beruvchi futbolchi yetishmayotgandek...
- Buning ustida ishlayapmiz. Hozir yana bir-ikkita yangi futbolchi oldik, Xudo xohlasa, ushbu yigitlar oldingi chiziqdagi hujumlarimizni kuchaytiradi degan umiddaman.
- O'rinbosarlar tarkibiga berib yuborilgan futbolchilarning o'rniga akademiyadan yoshlar jalb etiladimi?
- Ha, hozir tarkibimizga 2009 yilda tug'ilgan uch nafar futbolchini jalb qildik. Ungacha 2008-yilgi yigitlar edi, jamoamiz yanada yosharmoqda.
