UZ

Сўнгги янгиликлар

01:17Максим Шацких: “Трансфер ойнаси ёпилгунича 2-3 нафар янги ўйинчи оламиз”  0 00:55"Андижон" назорат ўйинида Тожикистон жамоасини мағлуб этди  1 00:41Футболга қайтиш муборак: "Байер" Эрик тен Хагнинг дебют ўйинида йирик ҳисобда мағлуб бўлди  4 00:21"Манчестер Сити" Траффорд билан шартнома имзолаши мумкин  2 23:59"Ақлдан озаётган" "Тоттенхэм" ўз тарихидаги энг қиммат трансферни амалга оширишга тайёрланмоқда  2 23:46Алишер Одилов "Навбаҳор"ни тарк этди  3 23:24Микель Артета: "Мадуэке - АПЛнинг энг яхши ҳужумчиларидан бири"  1 22:50Месси Ямалга қарши: Финалиссима қачон бўлади?  4 22:20Исак "Ал Ҳилол"га ўтиши мумкин  1 21:53"Милан" Спортьеллони собиқ жамоасига қайтариб юборди  0 21:33Гампер Кубоги учун ўйин қаерда бўлади?  4 21:14Расман: Нони Мадуэке - "Арсенал" футболчиси!  3 20:52"Насаф" назорат ўйинида "Машъал"дан устун келди  2 20:10"Милан" Модрич ёрдамида "Реал" аъзоси билан музокара ўтказмоқда  0 19:45Моуринью: "Португалияга қайтаман. Фаолиятим охирида эмас, чўққисида"  2

Биласизми? "Пахтакор" Франция клубини 5:0 ҳисобида мағлуб этган Янгиликлар

Биласизми? "Пахтакор" Франция клубини 5:0 ҳисобида мағлуб этган

1966 йил "Пахтакор" халқаро ўртоқлик учрашувида Франциянинг "Тулуза" жамоасини 5:0 ҳисобида мағлубиятга учратган.

Ўшанда "Тулуза" мавсумга тайёргарликнинг охирги босқичида "Пахтакор" билан ўртоқлик баҳсида майдонга тушган. Бир мавсум аввал жамоа Франция чемпионатида 4-ўринни эгаллаб, Еврокубокларга йўлланма олганди. 7 август куни Тошкентда ўтказилган беллашувда Дорсини, Бернар ва Ле Юро каби ижрочиларга эга бўлган жамоанинг жиддий қаршилик қилиши кутилганди. Бир неча футболчилар Франция терма жамоасига номзод саналар, Монин эса Парагвайдан бўлиб, Жанубий Американинг етакчи клубларидан бири "Фламенго"дан француз клубига келиб қўшилганди. Қолаверса, ўша йили март ойида "Тулуза" ўртоқлик учрашувида Москванинг "Спартак" клубини 2:0 ҳисобида доғда қолдирганди.

Ўйинни ҳужумкор тарзда бошлаган "Пахтакор" рақибни кескин ҳужумлари билан довдиратиб қўяди. Тез орада Биродар Абдураимов ва Баҳодир Иброҳимов ижросидаги ҳужумни Абдураимов аниқ зарбаси билан голга айлантирди. 21-дақиқада Мақсуд Шариповдан тўпни қабул қилиб олган Абдураимов дублини нишонлайди. "Тулуза" эса ўйин охиригача ўзига келишга улгурмайди. Иккинчи бўлимда Абдураимов хет-трикка эришган бўлса, Геннадий Красницкий ва Баҳодир Иброҳимов ҳам ўз ҳисобига биттадан гол ёзиб қўяди. Шу тариқа афсонавий мураббий Михаил Якушин қўл остида "Пахтакор" ўз тарихидаги энг ажойиб ғалабалардан бирини қайд этади.

"ПАХТАКОР" - "ТУЛУЗА" - 5:0 (2:0)
1966 йил 7 август. "Пахтакор" стадиони.
"Пахтакор":
Юрий Пшеничников, Ривал Зокиров, Владимир Штерн, Виктор Науменко, Виталий Суюнов, Вячеслав Солохо, Мақсуд Шарипов, Аҳрол Иноятов, Баҳодир Иброҳимов, Геннадий Красницкий, Биродар Абдураимов.
"Тулуза": Жюспен, Мутон, Бад, Монин, Редэн, Бернар, Сухан, Дорсини, Брек (Лудон), Брюнетон, Ле Юро.
Голлар: Абдураимов 14, 21, 68, Красницкий 82, Иброҳимов 88.


Рейтинг: +24   

Фикрлар

championat.asia
< сўнгги янгиликларни кўриш
Яндекс.Метрика