Франциялик мутахассиснинг сўзларига кўра, у ўзидан олдинги мураббийлар услубини такрорламоқчи эмас ва жамоани ўз ғояларига таянган ҳолда барпо этади.
“Ҳар бир мураббий ўз йўлидан боради. Дидье Дешам — Дидье Дешам бўлиб қолади, Лоран Блан — Лоран Блан бўлиб, мен эса ўзимлигимча қоламан. Франция терма жамоаси ғалаба қозонишда давом этиши учун ворислик анъаналарини сақлаган ҳолда, ўзим энг яхши уддалайдиган ишни қиламан”, – деди Зидан.
Франциялик мутахассис, шунингдек, миллий терма жамоа билан катта муваффақиятларга эришган Дидье Дешамнинг меҳнатини ҳурмат қилишини, аммо энди терма жамоа тарихида янги саҳифа очмоқчи эканини таъкидлади.
Эслатиб ўтамиз, Зидан деярли цел мураббийлик фаолиятини Мадриднинг ”Реал” клубида ўтказган бўлиб, у билан кетма-кет 3 марта Чемпионлар Лигасида ва икки марта Испания чемпионатида зафар қучган.
29 июль куни Франция футбол федерацияси Зинедин Зиданнинг миллий терма жамоа бош мураббийи этиб тайинланганини расман эълон қилди. 53 ёшли мутахассис билан шартнома 2030 йилгача мўлжалланган.
