Аргентиналик посбон “Сити”нинг асосий дарвозабони Жанлуижи Доннарумманинг ўринбосари бўлиши режалаштирилган. Рульининг ўзи ҳам Англияга кўчиб ўтишга қарши эмас.
Қизиғи шундаки, у илгари ҳам “Манчестер Сити” аъзоси бўлган: 2016 йилнинг августида клуб Уругвайнинг “Мальдонадо” жамоасидан футболчи ҳуқуқларини 4,7 миллион еврога сотиб олган ва ўша пайтнинг ўзидаёқ уни Испаниянинг “Реал Сосьедад” клубига ижарага берганди. 2016 йилнинг декабрида Рульи ижарадан қайтган, 2017 йилнинг январь ойида эса “Сосьедад”га 7 миллион евро эвазига сотиб юборилган.
Херонимо ўтган мавсум “Марсель” таркибида 39 ўйинда майдонга тушиб, шулардан 9 тасида дарвозаси дахлсизлигини сақлаб қолди. Қолган 30 учрашувда эса 52 та тўп ўтказиб юборди. Рульининг француз клуби билан амалдаги шартномаси 2027 йилнинг 30 июнигача мўлжалланган бўлиб, Transfermarkt унинг трансфер қийматини 6 миллион еврога баҳоламоқда.
