"Кўк-анорранглилар" Гарри Кейн ("Бавария"), Хулиан Альварес ("Атлетико" Мадрид) ёки Жоао Педро ("Челси") каби форвардларни сотиб олиш вариантини истисно қилмаяпти. Бу ҳақда Mundo Deportivo хабар тарқатди.
Манба берган хабарга кўра, "Барселона" фақатгина номлари тилга олинган уч номзоддан бирортасини ҳам сотиб олиш имкони узил-кесил қолмагандагина ўз талабларини пасайтиради. Шу билан бирга, Кейннинг "Бавария"даги муваффақиятли мавсуми ҳисобга олиниб, каталонияликларнинг асосий умиди Альварес ва Педро билан боғлиқлиги таъкидланмоқда. Бироқ "кўк-анорранглилар" "Атлетико" ва "Челси" ўз футболчиларини сотишни хоҳлашига шубҳа қилмоқдалар.
"Барселона" Альварес ва Педро бўйича сўров юборди. Агар "Атлетико" трансферга тайёр бўлса, клуб аргентиналик учун € 100 млн тўлашга тайёр. Шунингдек, Альвареснинг Мадрид жамоасидан кетиш учун қанчалик ҳаракат қилиши ҳам бу трансферга ўз таъсирини ўтказади.
