Бу ҳақда AS нашри хабар бермоқда.
26 ёшли футболчининг "Атлетико" билан шартномаси 2030 йилгача амал қилади, товон пули эса 500 миллион еврони ташкил этади.
Аввалроқ аргентиналик футболчи Мадрид клубини тарк этишга тайёрлигини маълум қилганди.
Манбага кўра, "Атлетико" "Барселона"нинг барча таклифларини қатъиян рад этмоқда ва Каталония клубига нисбатан судга даъво аризаси киритиш имкониятини кўриб чиқмоқда. Бунга "Барселона"нинг белгиланган регламентларни бузган ҳолда, тўғридан-тўғри ўйинчининг оила аъзолари билан музокаралар олиб бораётгани сабаб бўлган.
"Вариант йўқ, "Барселона" Хулианни сотиб ола биладиган бирон бир маблағ мавжуд эмас. У "Барселона"га сотилмайди. Ёки 500 миллион евро товон пулини тўланг, ёки ҳеч қандай келишув бўлмайди. Негрейра иши ва бошқа жамоаларнинг футболчилари билан боғлиқ келишувлари сабабли барчага бу клубнинг фирибгарликлари аён. Бироқ улар ўзларининг устидан кулишларига йўл қўймайдиган клубга дуч келишди", — дейилади "Атлетико"нинг AS нашри учун берган баёнотида.
