Бу ҳақда журналист ва инсайдер Фабрицио Романо Х ижтимоий тармоғида маълум қилди.
Манба берган хабарга кўра, лондонликларнинг 55 миллион фунтлик биринчи таклифи рад этилган, 65 миллион фунтлик иккинчи таклифи ҳам рад жавобини олган. Қайд этилишича, 65 миллиондан 90 миллион фунтгача бўлган учинчи таклиф музокараларни тезлаштириши мумкин.
Шунингдек, Гимарайнс ўтган ҳафта "Ньюкасл"га "Арсенал"га ўтмоқчи эканлигини билдирган, бироқ клуб учун муаммо туғдирмаслигини ва ўз келажаги борасидаги қарорни айнан "қарғалар" ихтиёрига топширишини айтган.
2025/2026 йилги мавсумда Гимарайнс барча турнирларда 41 та ўйинда иштирок этиб, тўққизта гол урди ва саккизта голли узатмани амалга оширди. Унинг амалдаги шартномаси 2028 йилнинг 30 июнигача мўлжалланган. Transfermarkt интернет-портали маълумотларига кўра, футболчининг тахминий баҳоси 70 миллион еврони ташкил этади.
