"Чемпионат учрашувларидан сўнг Кубок баҳсларига ўтдик. Биз бу тўқнашувга жиддий муносабатда эдик, чунки "Арал" ўз лигасида етакчилик қилмоқда. Жамоа муносиб ўйин кўрсатяпти. Мураббий имзоси жамоа ўйинида акс этиб турибди. Кучли мураббийлар штаби жамланган. Ўйинга келсак, биринчи бўлимда кўплаб вазиятлар юзага келтирдик. Фақат бироз реализацияда оқсакдик дея оламан. Иккинчи бўлимда эса Фарҳодда жуда қулай вазият бўлди. Гол урганида ўйин асабий тугамас эди. Захираларни амалга оширдик. Албатта, бундай майдонда бироз қийин. Бу борада кўп гапириш мумкин лекин маъно йўқ. Яхши томони ҳаво салқинроқ бўлди, ёмғир ҳам ёғиб берди. Умуман олганда йигитлар кўрсатмаларни бажаришди. Қуттибоев тартибли ва курашувчан жамоа тузгани маълум. Таркибининг ўзагини маҳаллий футболчилар ташкил қилади. Икки жамоа ўйинчилари 90 дақиқа футбол ўйнашди, яхши кураш кечди. Баҳс ёқимсиз ҳолатлардан ҳоли ўтди", — дейди Андрей Шипилов.
- "Қўқон-1912" фаворит эди. Жамоангиз ўйинни тўлиқ назорат қилди дея оласизми?
- Назорат қилдик, ўйин тизгинини ушлашга ҳаракат қилдик. Майдон сифатидан келиб чиқиб тайёргарлик кўргандик. Айрим ҳолатларда тўпсиз ҳам ўйнаганимизни таъкидлашим зарур. Мезбонлар посбони сифатли ўйин кўрсатди. 30-дақиқалардан кейин "Арал" бироз ортга чекинди, биз ўйинни қўлга олдик. Ўйин темпи борасида икки лига ўртасида фарқ бор. Нукусликлар ўз ўйинини тўлиқ кўрсата олмади. Уларда стратегик вазифа бор, чемпионатда Суперлига йўлланмаси учун курашяпти. Очиғини айтганда Неъматилло Қуттибоевга омад тилайман. Биз бир-биримизни жуда яхши биламиз. Мен анча вақтдан буён Нукусда бўлмаган эдим.
- Жамоангизда стандарт вазиятлар кўп бўлди. Лекин улардан самара чиқара олмади...
- Ҳа, кўплаб бурчак зарбаларига эга бўлдик. Биз бу борада ҳам тайёргарлик кўргандик. Балки шамол тўсқинлик қилгандир. Бурчак тўпларидан ташқари ҳам кўп вазиятларимизни йўққа чиқардик. Биринчи бўлимда тўп киритганимизда анча енгил бўларди. Голдан сўнг ётиб олмадик, ўйинни чўзмадик. Бугун нолга ўйнадик. Бу ёқимли, чунки ҳимоя ва дарвоза чизиғимиз ишончли ҳаракат қилди.
Бугунги ғалабанинг аҳамияти катта. Турнирни ишончли бошладик. "Арал" ўрнида бошқа жамоа ҳам бўлиши мумкин эди. Йўл узоқлигини, сунъий майдон ва ҳоказо. Табиий майдон бўлганида бир мунча осонроқ бўларди. Бунгача "Хоразм"да ўйнадик. У ерда майдон сифати бошқачароқ. Стартни 3 очко билан бошлаш яхши. ОКМК билан уйда жиддий учрашув кутмоқда. Вазифамиз гуруҳдан чиқиш. Нимелига дам беришга қарор қилдим, у ишига жиддий ёндошади. Биз ротация ҳам қилдик, айримлар бошланғич таркибга киритилди.
