“Андижон”: Усмон Тошев олдига олий лигага чиқиш вазифаси қўйилган
18 июн 2017 12:10
Янгиликлар

“Андижон”: Усмон Тошев олдига олий лигага чиқиш вазифаси қўйилган

Юртимизда кўзга кўринган ҳамда футбол мухлисларининг севимли сайтларидан бири ҳисобланган “Championat.asia”да кеча, 17 июнь куни “Эшитдик-да!” рукни остида “Усмон Тошевга учта ўйинни ютиш шарти қўйилган”, сарлавҳаси номи остида кичик мақола чоп этилди.

Лекин шуни маълум қиламизки, мазкур мақолада келтириб ўтилган хабарлар ҳеч бир асосга эга эмас. Боиси, 13 июнь куни расман бош мураббий сифатида иш бошлаган Усмон Тошевнинг олдига учта ўйинни ютиш шарти эмас, балки “Андижон” жамоасини олий лигага олиб чиқиш вазифаси қўйилган. Шу сабабли раҳбарият томонидан янги мураббийнинг олдига учта ўйинни ютиш шарти қўйилмаганлигини маълум қиламиз.

Клубга алоқадор бўлмаган шахслар томонидан айтилаётган миш-миш гапларга ишонмаслигингизни сўраймиз. Бунинг устига Усмон Қудратович бош мураббий сифатида иш бошлагач, интервью берган чоғида “Андижон”га катта мақсадлар билан келганини ҳамда ўзининг вазифалари ҳақида ҳам очиқ-ойдин айтиб ўтган. “Андижон” клуби эса Усмон Тошевга ҳар томонлама ишонади ва уни қўллаб-қувватлайди.

“Андижон” клуби матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +6