Ўйин ҳақида
- Йигитларга ўйин учун рахмат айтаман, улар бугун кучли жамоа қаршисида муносиб футбол кўрсатиб беришди. “Машъал”ни ҳам эътироф этиш керак, улар бугунги учрашувда кучли характер эвазига ғалабага эришишди. Ҳакамлик ҳақида гапирмоқчи эмасман. Ўйиннинг сўнги дақиқалари ўта оғир ўтди.
- Бугун биз аввалгидан бошқачароқ, курашувчан “Дўстлик”ни кўрдик. Бу борада изох берсангиз…
- Чемпионатнинг иккинчи қисмига келиб ўйинларимиз жонланди. Йигитлар билан машғулотларда жиддий ишлаяпмиз, ҳар бир ўйинга алоҳида ёндашув асосида тайёргарлик олиб бораяпмиз. Футболчиларда ўзларига бўлган ишонч шаклланди, руҳият пайдо бўлди.
