Александр Ежов: "Шогирдларимнинг харакатидан кўнглим тўлди"

- Аввало "Андижон"ни ғалаба билан табриклайман. Рақиб ҳақли ғалабага эришди. Жамоам ёмон ўйнади деб ўйламайман. Йигитлар 100 фоиз кучини бериб ўйнашди – дея гап бошлади Александр Александрович.

- Бирозгина омад етишмади. Илк дақиқаларда гол ўтказиб юборганимиз жамоамизни хафа қилди. Иккинчи гол эса ҳимоячи хатосидан сўнг ўтказдик. Биз бугун бир киши кам бўлиб ўйнадик деб ўйлайман. Сабаби "Андижон"нинг мухлислари яна бир қўшимча ўйинчи бўлди. Мухлислар тўп "Андижон"да бўлмаса ҳам жамоасини тинмай олға бошлашди.

- Ўйин менимча чиройли ва томошабоп бўлди. Бугун кўпчилик бизни ҳимояда ўйнайди деб ўйлаганди. Аслида эса тенгма тенг ўйин гувоҳи бўлдик.

- Мураббий сифатида ўз жамоам ҳаракатларидан қониқдим. Шогирдларим мана шу гапларимни ўқишларини истардим: Сизлар қобилиятли ва маҳоратли футболчисизлар, рақиб ўз олдига Суперлигага чиқиш вазифасини қўйган. Шундай бўлса ҳам сиз ўзингизни йўқотиб қўймадингиз. Бундан хурсандман, - дейди Ежов.