Нидерландиялик мураббий билан янги шартнома 2027 йил 31 июлгача амал қилади.
"Футболчилар билан биргаликда эришган натижаларимиз устида ишлашни давом эттиришни интиқлик билан кутяпман", – деди Адвокат.
Мутахассис 2024 йилда Кюрасао терма жамоаси бош мураббийи этиб тайинланганди. Унинг қўл остида жамоа ўз тарихида илк бор ЖЧ финал босқичига йўл олди. Кюрасао термаси ЖЧ-2026 мусобақасида Германия (1:7) ва Кот-д'Ивуар (0:2) жамоаларига имкониятни бой берди, Эквадор билан дуранг (0:0) ўйнаб, "E" гуруҳида тўртинчи ўринни эгаллади.
Адвокат Жаҳон чемпионатлари тарихидаги энг ёши катта мураббийга айланди.
